भारतीय मानसिकता - १

भारतीय मानसिकता - १

मी ठाणे या एका शहरातील एका रहिवासी संकुलात ( आजच्या शुद्ध व प्रचलित मराठीत HOUSING COMPLEX मध्ये ) राहतो . आमच्या रहिवासी संकुलात  तरण तलाव , व्यायामशाळा व इतर अनेक सुविधा असलेले एक छोटेसे क्रीडा संकुल ( आजच्या शुद्ध व प्रचलित मराठीत CLUB HOUSE ) देखील आहे.

या सोबत एक आज , शुक्रवार , ८ मार्च, २०१९ रोजी सायंकाळी मी आमच्या क्रीडा संकुलाच्या द्वाराबाहेरील टिपलेले छायाचित्र दिले आहे. आपल्याला द्वाराबाहेर पादत्राणे ठेवण्यासाठी एक छोटेसे कपाट दिसत आहे . ते कपाट पादत्राणे ठेवण्यासाठीच तेथे ठेवले आहे , पण आपण जर निरखून

पाहिले तर आपणांस असे  आढळून येईल के पादत्राणांच्या दोन जोड्या सोडल्यास बाकी सर्व पादत्राणे मनाला येईल तेथे विखुरलेल्या अवस्थेत अक्षरशः फेकली आहेत . त्या दोन जोड्यांपैकी एक जोडी पादत्राणांची ( जी पहिल्या रांगेत व्यवस्थितपणे ठेवली आहेत ) ती माझी आहेत ( मी नेहमी    तेथेच ठेवतो. ) .

हे पादत्राणे ठेवण्यांवरून भारतीयांची मानसिकता दिसून येते . ती मानसिकता म्हणजे मला कोण अडवणार ? मला हवे तेथे मी पादत्राणे ठेवणार नव्हे फेकणार . अगदी निरखून पहिले तर असे आढळेल कि त्या पादत्राणांमध्ये ५ / ७ जोड पादत्राणे हि लहान मुलांची आहेत . ती मुले मोठ्यांनी विखुरलेल्या अवस्थेत ठेवलेली पादत्राणे पाहतात व त्याप्रमाणे अनुकरण करतात .

तुम्हीच सांगा अश्या कोठेही पादत्राणे फेकणाऱ्या सुशिक्षित ( ? ) , सुसंस्कृत ( ? ) , स्वतःला श्रीमंत ( ? ) म्हणवून घेणाऱ्या भारतीयांना काय म्हणायचं ?

काही होणार नाही असे म्हणून मी गप्प बसणाऱ्यांपैकी नाही .

मी अश्या प्रकारच्या अनेक घटना , प्रसंग या फेसबुक नावाच्या सामाजिक माध्यमाद्वारे उघड करणार आहे .

निदान जनाची नाही तरी मनाची तरी वाटून कधीतरी हि मानसिकता बदलेल अशी आशा आहे .

केल्याने होत आहे रे  . . . . . . .

Evil Triumphs When Good People Sit Quiet 

Stand up for what is right , Even if you’re standing alone !

https://fightofacommonman.blogspot.com/