नमस्कार , सुंदर संध्याकाळ ,
" हाताबाहेर जात असलेला भटक्या कुत्र्यांचा दहशतवाद "
दिनांक ०५. ०१. २०१७ रोजी , पहाटे अंदाजे ४.०० वाजता , विमानतळावर पोहचण्यासाठी , मी राहत असलेल्या ठाणे येथील हाईड पार्क या रहिवासी संकुलाच्या बाहेर , टॅक्सी ची वाट पाहत होतो . माझं सगळं लक्ष्य रस्त्यावर होते , कारण टॅक्सी अजूनही आलेली नव्हती.
नेहमी प्रमाणे रस्त्यावर दिवे नव्हतेच . रामसे बंधू यांच्या कोणत्याही चित्रपटात शोभेल असे भयावह वातावरण होते. आजूबाजूला भुंकणाऱ्या कुत्र्यांचा भरपूर आवाज येत होता . दिवसातील २४ तास , कोठे ना कोठे भटक्या कुत्र्यांचा भुंकण्याचा आवाज येतच असतो त्यामुळे मी त्याकडे दुर्लक्ष्य करीत होतो. पण हळू हळू हा भुंकण्याचा आवाज माझ्या कडे सरकत होता . मी त्या आवाजाकडे पहिले तर , मला अक्षरशः थंडीत घाम फुटला . ८ ते १० भटके कुत्रे माझ्यावर , रिंगण बनवून हल्ला करण्यासाठी पुढे पुढे सरकत होते ( जसे चित्रपटात पोलीस डाकू ला घेरून पुढे सरकतात अगदी त्याच प्रमाणे ) .मी न धावता , सावकाश पणे आमच्या रहिवासी संकुलाच्या आत आलो . आमच्या पहारेकरी असलेल्या व्यक्तीला बोलावले . त्यांच्या हातात भक्कम काठी असतेच . त्यांना घेऊन पुन्हा टॅक्सी ची वाट पाहण्यासाठी रस्त्यावर आलो . टॅक्सी येई पर्यंत त्यांना थांबण्यास सांगितले . काही वेळातच टॅक्सी आली आणि मी श्वानदंशाशिवाय माझ्या व्यावसायिक कामासाठी विमानतळावर पोहचलो.
या सोबत दिलेले छायाचित्र मीच टिपले आहे , पण ते १६. ०१. २०१७ रोजी , रात्री अंदाजे ११.३० वाजता मी राहत असलेल्या हाईड पार्क या रहिवासी संकुलात शिरताना टिपले आहे.
सध्या बहुसंख्य भारतीय या भटक्या कुत्र्यांच्या दहशतीखाली वावरत आहेत
असो माझी लढ़ाई सुरु आहेच .
Stand up for what is right , Even if you’re standing alone !
Evil Triumphs When Good People Sit Quiet
No comments:
Post a Comment