भटक्या कुत्र्यांच्या हल्ल्यामुळे ही अभिनेत्री झाली गंभीर जखमी

आत्ताची ताजी खबर

"भटक्या कुत्र्यांच्या हल्ल्यामुळे ही अभिनेत्री झाली गंभीर जखमी"

तिला कुत्र्यांपासून वाचवण्यासाठी कोणीही आले नाही

लोकसत्ता ऑनलाइन | January 25, 2017 7:52 PM

अभिनेत्री पारुल यादव

कन्नड सिनेमांची अभिनेत्री पारुल यादव हिच्यावर भटक्या कुत्र्यांच्या एका झुंडीने हल्ला केला. या हल्ल्यात ती गंभीर जखमी झाली असून रुग्णालयात तिच्यावर उपचार सुरु आहेत. माध्यमांमध्ये आलेल्या वृत्तानुसार, पारुल मुंबईमध्ये घराच्या जवळच आपल्या पाळीव कुत्र्याला फिरवण्यासाठी इमारतीच्या बाहेर आली होती. तेव्हा तिच्या कुत्र्यावर भटक्या कुत्र्यांनी हल्ला केला.

Singer Kailash Kher Chef Sanjeev Kapoor Virat Kohli Among 2017 Padma Award Full List Of Winners

आपल्या कुत्र्याला वाचवण्यासाठी पारुलला या भटक्या कुत्र्यांचा सामना करावा लागला. तेव्हाच या कुत्र्यांच्या झुंडीने एकत्रित तिच्यावर हल्ला केला. या हल्ल्यात ती जखमीही झाली. कन्नड वृत्तवाहिनीने दिलेल्या वृत्तानुसार सोमवारी सकाळी ५.३० वाजता जोगेश्वरी येथील तिच्या घराच्या जवळ ही घटना घडली.

तिच्यावर एकाचवेळी सहा कुत्र्यांनी एकत्र हल्ला केला. जेव्हा तिच्यावर हा हल्ला होत होता तेव्हा तिला वाचवण्यासाठी कोणीही आले नाही. तिच्या शेजाऱ्याने तिला वाचवण्याचे प्रयत्न केलेही, पण तोवर तिला कुत्र्यांनी जखमी केले होते. तिच्या डोक्यावर ३ इंच एवढी खोल जखम आहे. तिला कोकिलाबेन रुग्णालयात भरती करण्यात आले आहे. इथे तिला अॅण्टी रेबीज इंजेक्शन देण्यात आले आहेत. पारुलवर अजूनही रुग्णालयात उपचार सुरु असून डोक्यावरच्या जखमेसाठी तिच्यावर शस्त्रक्रियाही केली जाऊ शकते.

मॉडेल ते अभिनेत्री असा प्रवास करणाऱ्या पारुलने कन्नड सिनेमात आपले नाव कमवले आहे. कन्नडशिवाय पारुलने मल्याळम आणि तामिळ सिनेमातही काम केले आहे. गेल्या वर्षी पारुल, राम गोपाल वर्मा याच्या ‘वीरपन्न’ या सिनेमात दिसली होती.

बातमी वाचण्यासाठी येथे जाऊ शकता :

http://www.loksatta.com/manoranjan-news/kannada-actor-parul-yadav-attacked-by-stray-dogs-going-under-treatment-1391891/