Saturday, July 2, 2016

भटक्या कुत्र्यांमुळे लेप्टोचा धोका कायम

भटक्या कुत्र्यांमुळे लेप्टोचा धोका कायम

निर्बीजीकरणाचा खर्च पाहता लसीकरणाचा भार पालिकेसाठी खूप जास्त असेल.

प्राजक्ता कासले, मुंबई | July 2, 2016 3:09 AM
- See more at: http://www.loksatta.com/mumbai-news/lepto-risk-due-to-nomadic-dog-1260347/#sthash.PzJ9ls7T.dpuf

गुरे, उंदीर यांचा बंदोबस्त करणाऱ्या पालिकेसमोर कुत्र्यांच्या लसीकरणाचा प्रश्न
दरवर्षी मुंबईकरांना बाधणाऱ्या लेप्टोस्पायरोसिस या आजाराचा प्रसार रोखण्यासाठी शहरातील गुरे आणि उंदरांचा बंदोबस्त करण्याच्या योजना महापालिकेने आखल्या आहेत. मात्र गुरे आणि उंदरांप्रमाणेच भटकी कुत्रीदेखील लेप्टोच्या प्रसाराला कारणीभूत ठरत असल्याचे निष्पन्न झाले आहे. परंतु शहरातील लाखभर भटक्या कुत्र्यांना हटवायचे कसे किंवा त्यांचे लसीकरण कसे करायचे, असा प्रश्न पालिकेसमोर उभा ठाकला आहे. या कुत्र्यांचा बंदोबस्त होत नाही, तोपर्यंत लेप्टोचा प्रादुर्भाव रोखणे अशक्य असल्याचेही पालिका अधिकाऱ्यांचे म्हणणे आहे.
गेल्या वर्षी आलेली लेप्टोची साथ व या वेळी जूनमध्येच आढळलेले सहा रुग्ण यामुळे पालिकेच्या आरोग्य विभागाने लेप्टोविरोधात उपाययोजना करण्यास सुरुवात केली आहे. लेप्टोस्पायरोसिस आजाराचे जिवाणू पसरू नयेत यासाठी महानगरपालिकेने या वेळी तबेल्यांवर कारवाई केली. ३२६ तबेल्यांपैकी १७१ तबेल्यांवर कारवाई करण्यात आली. शहरात उंदरांना मारणाऱ्या मूषकनियंत्रकांची कमतरता भरून काढण्यासाठी पालिकेकडून पुन्हा निविदा देण्यात येणार आहेत. मात्र लेप्टोचा तिसरा वाहक असलेल्या कुत्र्यांबाबत मात्र पालिकेकडून अद्याप कोणतेही धोरण ठरवण्यात आलेले नाही. २०१४च्या कुत्र्यांच्या प्रगणनेनुसार शहराच्या वस्त्यांमध्ये ६८,०८७ तर रस्त्यांवर २९,०८५ कुत्रे आढळले. मात्र ही अंदाजे संख्या आहे. यातील २५ हजार कुत्र्यांचे निर्बीजीकरण होणेही बाकी होते. त्यामुळे आजमितीला साधारण एक लाख कुत्रे शहरात असण्याची शक्यता आहे. कुत्र्यांकडून अनेक आजार माणसांपर्यंत पोहोचू शकतात. त्यामुळे त्यांचे  लसीकरण आवश्यक असते. पाळीव कुत्र्यांचे मालक नियमितपणे लसीकरण करून घेत असले तरी निर्बीजीकरणाचे कामच करताना मेटाकुटीला आलेल्या पालिकेने कुत्र्यांच्या लसीकरणाचा विषयच हाती घेतलेला नाही.
लेप्टोच्या जिवाणूंचा प्रसार रोखण्यासाठी आरोग्य विभागाने धडक कार्यवाही करत तबेल्यांवर कारवाई केली व गुरांचे लसीकरण करून घेण्यास लावले.
उंदीर मारण्यासाठीही निविदा काढल्या जाणार आहेत. कुत्र्यांची संख्या वाढू नये म्हणून निर्बीजीकरण केले जात आहे, असे पालिकेच्या कार्यकारी आरोग्य अधिकारी डॉ. पद्मजा केसकर म्हणाल्या. मात्र निर्बीजीकरणाचा खर्च पाहता लसीकरणाचा भार पालिकेसाठी खूप जास्त असेल.
श्वानप्रेमींनीही त्यासाठी पुढाकार घेतला तर परिसरातील नागरिकांचे आरोग्य चांगले राहील, असे आरोग्य खात्यातील अधिकाऱ्याने सांगितले.
लेप्टोस्पायरोसिस
  • कुत्रे, उंदीर, गुरे हे लेप्टो जिवाणूंचे वाहक असतात. या जनावरांच्या शरीरात असलेले लेप्टोचे जिवाणू त्यांच्या मलमूत्रावाटे बाहेर पडतात. हे मलमूत्र मिसळलेले पाणी पायाच्या जखमेवाटे (खरचटले असले तरी) शरीरात गेले तर लेप्टोचा संसर्ग होतो. तीव्र ताप, डोकेदुखी, डोळे लाल होणे अशी लक्षणे दिसतात. योग्य उपचार मिळाले नाहीत तर मूत्रपिंड व यकृतावर परिणाम होऊन प्रसंगी मृत्यूही होऊ शकतो.
  • या वर्षांत आतापर्यंत लेप्टोचे २६ रुग्ण आढळून आले आहेत. त्यातील सहा रुग्ण जूनमधील आहेत. गेल्या वर्षी जूनच्या मध्यावर पडलेल्या पावसामुळे आलेल्या लेप्टोच्या साथीत १२ जणांचा बळी गेला होता. यावर्षीही लेप्टोची साथ येण्याची शक्यता आहे. पुराच्या पाण्यातून चालणे टाळावे तसेच लक्षणे दिसल्यास त्वरित उपचार घ्यावेत, अशा सूचना पालिकेच्या आरोग्य विभागाने जाहीर केल्या आहेत.
- See more at: http://www.loksatta.com/mumbai-news/lepto-risk-due-to-nomadic-dog-1260347/#sthash.PzJ9ls7T.dpuf


Sunday, June 26, 2016

नीलगायीन्प्रमाणे भटक्या कुत्र्यांवर कारवाई करावी का ? ABP माझा माझा SPECIAL

नमस्कार ,

बुधवार , २२ जून २०१६ रोजी रात्री ८.३० ते ९.०० या वेळेत "ABP माझा" या वृत्तवाहिनीवर " माझा SPECIAL " मध्ये " नीलगायीन्प्रमाणे  भटक्या कुत्र्यांवर कारवाई करावी का ?  " या एका महत्वाच्या विषयावरील थेट चर्चासत्रात ( LIVE DISCUSSION ) मध्ये माझा सहभाग होता.

त्याची ही ध्वनी चित्रफीत ( VIDEO LINK ) .



http://abpmajha.abplive.in/videos/abp-majha-vishesh-should-take-action-on-dogs-241558



" ठाणे वाहतूक पोलिसांच्या तत्परतेने तरुणाला जीवनदान "

नमस्कार , सुंदर दुपार ,

" ठाणे वाहतूक पोलिसांच्या तत्परतेने तरुणाला जीवनदान "

वाहतूक पोलीस म्हणजे XXXXXX अशीच भावना अनेकांच्या मनात बसलेली असते. त्यांच्या अपार कष्टाकडे कोणीही पाहत नाही . दुखः म्हणजे भारत देशात कोणी चांगली गोष्ट केली तर त्याचे कौतुक ( APPRECIATION ) फार कमी वेळा होते.

असो , ठाणे वाहतूक शाखेच्या पोलिसांनी एका दुचाकीवरील अपघातात गंभीर जखमी झालेल्या तरुणास तत्परतेने रुग्णालयात नेऊन त्याला नवं जीवनाची जणू संजीवनीच दिली.

26 जून , 2016 च्या " लोकसत्ता " व " महाराष्ट्र टाईम्स " या वृत्त पात्रातील बातमी येथे देत आहे.

अश्या या वाहतूक पोलिसांना मानाचा सलाम.

कधी तरी पोलीस , वाहतूक पोलिसांना मुद्दाम थांबून धन्यवाद द्या.




Sunday, June 19, 2016

जागरूक आणि जबाबदार वडील - RESPONSIBLE FATHER

नमस्कार ,

जागरूक आणि जबाबदार वडील

शनिवार, १८.०६.२०१६ रोजी सकाळी कार्यालयात जाताना हे छायाचित्र टिपले. 

त्या दुचाकीस्वार गृहस्थांना थाबवून स्वतः व मागे बसलेल्या मुलाला देखील शिरस्त्राण घातल्याबद्दल मनापासून धन्यवाद द्यायचे होते , पण  रस्त्यावर वर्दळ होती म्हणून त्यांना थांबवू  शकलो नाही.

त्या गृहस्थाला मी जागरूक आणि जबाबदार वडील म्हणतो. लहानपणापासूनच मुलाला देखील नियम पाळण्याची शिस्त लागेल.

मला अनेक भारतीयांची कीव येते कारण त्यांच्या वागण्यावरून सहज कळते कि नियम हे फक्त मोडण्यासाठीच असतात.

मी स्वतः २० ते २२ वर्षे दुचाकी चालविली , पण एकदाही विना शिरस्त्राण नाही चालवली.


असो , देवापुढे एकाच मागणे आहे कि भारतीयांना सगळेच नियम पाळण्याची सुबुद्धी दे.

सांगलीमध्ये ( महाराष्ट्र राज्य ) दोन महिन्याच्या बाळावर कुत्र्याने हल्ला केला आहे

नमस्कार , आणि सुंदर संध्याकाळ ,
सांगलीमध्ये ( महाराष्ट्र राज्य ) दोन महिन्याच्या बाळावर कुत्र्याने हल्ला केला आहे
ही खालील बातमी वाचा . अश्या वेळी प्राणी मित्र / प्राणी मैत्रिणी कोठे गायब होतात ( MR. INDIA ) हेच कळत नाही. पण त्या कुत्र्याला जर हाड जरी म्हटलं तरी कोठून पळत येत्तात व पोलिसांना बोलवतात हे देखील कळत नाही.

या घटनेस ते बाळ जबाबदार असू शकते कारण त्या बाळाने ( २ महिन्याच्या ) अगोदर कुत्र्याची छेड काढली असेल अथवा त्या कुत्र्याला दगड मारला असेल , आणि म्हणूनच मग कुत्र्याने त्या २ महिन्याच्या बाळावर हल्ला केला असे देखील प्राणी मित्र / प्राणी मैत्रिणी म्हणू शकतात. याचे कारण त्यांना हेच एक पाठ केलेले वाक्य कोणत्याही भटक्या कुत्र्यांवरील चर्चेत बोलता येते.

त्यांच्या मते भटके कुत्रे कधीच कोणावर हल्ले करीत नाहीत . कोणाच्याही दुचाकीच्या मागे धावत नाहीत.


कुत्र्याने दोन महिन्याच्या बाळाला तोंडाने ओढत नेले अन्...
Written by  Jai Maharashtra News Sunday, 19 June 2016 17:45
जय महाराष्ट्र न्यूज,  सांगली
सांगलीमध्ये दोन महिन्याच्या बाळावर कुत्र्याने हल्ला केला आहे.
या हल्ल्यात बाळाच्या पायाला गंभीर दुखापत झाली आहे.
संजय नगर परिसरात ही घटना घडली.
परिसरातील भटका कुत्रा दोन महिन्याच्या बाळाच्या पायाला ओढून नेत होता.
यावेळी नागरिकांनी आरडाओरडा केल्याने मोठा अनर्थ टळला.




Saturday, June 18, 2016

पितृ दिन ( FATHER 'S DAY ) - एक सत्यावलोकन

नमस्कार , आणि प्रसन्न  सकाळ   ,

 पितृ दिन  (   FATHER 'S DAY ) - एक सत्यावलोकन

आज जागतिक पितृ दिन  , म्हणजेच आजच्या शुद्ध मराठी भाषेत ( FATHER 'S DAY ) ,

पाश्चात्य देशात भेट वस्तू , शुभेच्छा  पत्रे व अश्या तत्सम वस्तूंची विक्री फक्त नाताळ ( आजच्या मराठीत CHRISTMAS )  मध्येच होत होती . बाकी वर्षभर फक्त वाढदिवस , लग्नाचा वाढदिवस अ अश्या काही ठराविक दिवशीच होत होती . असे वाचण्यात आले  कि पाश्चात्य देशातील हुशार व्यापाऱ्यांनी या भेट वस्तूंचा , शुभेच्छा  पत्रे व अश्या तत्सम वस्तूंची  वर्षभर विक्री व्हावी म्हणून एक अफलातून युक्ती लढवली. त्यांनी MOTHER’s DAY , FATHER’s DAY , BROTHER’s DAY , SISTER’s DAY , TEACHER’s DAY ,  …….   असे वेग वेगळे दिवस साजरे करण्याची टूम काढली व ती तेथील जन माणसात जाहिरातींद्वारे रुजवली. 

माझ्या मते पाश्चात्य देशात बहुतेक  STEP MOTHER’s DAY , STEP FATHER’s DAY , STEP BROTHER’s DAY , STEP SISTER’s DAY ,  CURRENT GIRL / BOY FRIEND’s DAY ,  EX- GIRL / BOY FRIEND’s DAY , FIRST DIVORCE DAY , SECOND  DIVORCE DAY    ......……. असेही दिवस बहतेक साजरे केले जात असतील.

असो , भारतीय तसे अनुकरण प्रिय आहेत  हे ओळखून भारतातील हुशार व्यापाऱ्यांनी  पाश्चात्यांची हि युक्ती ताबडतोब उचलली अथवा पाश्चात्य देशातील व्यापाऱ्यांनी भारतीय व्यापाऱ्यांच्या गळी हि संकल्पना रुजवली आणि  भारतीय नागरिकांनी ती ताबडतोब डोक्यावर घेतली.

मी माझ्या अनुभवावरून  सांगतो कि माझे वडील मी २२ वर्षाचा होतो तेंव्हाच देवाघरी गेले , पण त्यांच्या हयातीत मी ना त्यांची कदर केली , ना त्यांना कधी पुत्र सुख दिले . त्यांच्या पश्चात मी रोज त्यांची आठवण काढून रडतो , पण मला हि अशी FATHER’s DAY , MOTHER’s DAY  वगैरे तोंड देखली नाटके करणे योग्य वाटत नाही.

आजच्या  घडीला अनेक आई , वडील वृद्धाश्रमात रहात आहेत , कारण त्यांची मुले , मुली परदेशात वास्तव्य करीत आहेत. आणि गम्मत म्हणजे ती मुले , मुली परदेशात FATHER’s DAY , MOTHER’s DAY मात्र मित्र , मैत्रिणींबरोबर धुमधडाक्यात साजरे करतात .

असो या सगळ्या वर माझ्या कडून  “ मातृ दिन , पितृ दिन  (  MOTHER 'S DAY , FATHER 'S DAY ) “    पूर्वीच लिहिली गेली ती येथे देत आहे ( मी येथे नमूद करू इच्छितो कि हि कविता मी कोणाचीही चोरलेली नाही व स्वतः लिहिलेली आहे ) .

असे अनेक दिन आज-काल साजरा करण्याची व पाश्चात्यांचे अनुकरण करण्याची भारतीयांना एक वाईट सवय लागली आहे.

यातले किती  भारतीय , रोज आपल्या जन्मदात्यांच्या पाया पडतात ? ( चरणस्पर्श करून आशीर्वाद घेतात ? )  

यातले किती  भारतीय , रोज महिलांना मानाने वागवितात ?


या सगळ्या ढोंगी पणाचा राग ( सौम्य स्वरुपात )   या कवितेत व्यक्त झाला आहे. 


Friday, June 17, 2016

भटक्या कुत्र्यांनी कोठे नेउन ठेवले औरंगाबादला ?

नमस्कार , सुंदर संध्याकाळ ,

"  भटक्या कुत्र्यांनी कोठे नेउन ठेवले  औरंगाबादला ? "

१४ व १५ जून, २०१६ रोजी व्यावसायिक कामासाठी महाराष्ट्र राज्यातील औरंगाबाद या शहरात गेलो होतो. 

१२  जून , २०१६ च्या " लोकमत  " या औरंगाबादहून प्रसिद्ध होणाऱ्या वृत्तपत्रातील दोन बातम्या येथे देत आहे .त्याचप्रमाणे दुसऱ्या एका वर्तमान पत्रातील देखील  एक बातमी देखील येथे देत आहे.

- शुक्रवार , १० जून , २०१६ रोजी ५ जणांना भटक्या कुत्र्यांनी चावा घेतला . .
- शुक्रवार , १० जून , २०१६ रोजी , वेगळ्या भागात ९  जणांना भटक्या कुत्र्यांनी चावा घेतला.
- शनिवार ,, ११ जून, २०१६ रोजी , १२ जणांना भटक्या कुत्र्यांनी चावा घेतला.
- मंगळवारी रात्री भटका कुत्रा / कुत्रे विमानतळाच्या धावपट्टीवर धावल्याने एयर इंडियाचे विमान उशिरा उडाले ,
- विमानतळावर मोकाट कुत्र्यांचा बंदोबस्त करण्यासाठी पिंजरा लावला .

हे सगळ काय सांगते ?

अजूनही तुम्हाला वाटते कि भटक्या कुत्र्यांची संख्या भरमसाठ वेगाने वाढत नाही ?

Evil Triumphs When Good People Sit Quiet

Stand up for what is right , Even if you’re standing alone !