" मराठीच्या वापरासाठी " लोकसत्ता " चे धन्यवाद
या सोबत २५ फेब्रुवारी, २०१८ च्या दोन सुप्रसिद्ध मराठी वृत्तपत्राच्या पहिल्या पृष्ठावर छापून आलेल्या बातम्यांचे प्रकाशचित्र ( PICTURE ) येथे जोडत आहे .
एका बातमीत " पारपत्रे " हा शुद्ध मराठी शब्द वापरला आहे तर दुसऱ्या बातमीत " पासपोर्ट " हा ( खर तर हा इंग्रजी शब्द आहे ) इंग्रजी शब्द मराठी अक्षरात लिहून वापरला आहे .
" लोकसत्ता " या एका नावाजलेल्या मराठी वृत्तपत्राने " पारपत्रे " हा शुद्ध मराठी शब्द वापरला आहे .
व " पासपोर्ट " हा इंग्रजी शब्द मराठी अक्षरात लिहून दुसऱ्या एका नावाजलेल्या मराठी वृत्तपत्राने वापरला आहे . त्या नावाजलेल्या मराठी वृत्तपत्राचे नांव मी काही येथे सांगणार नाही .
पण मला येथे कळविण्यास अतिशय आनंद होतो कि गेले कित्येक महिने मी " लोकसत्ता " या एका नावाजलेल्या मराठी वृत्तपत्रातील बातम्यांमध्ये इंग्रजी शब्दांचा वापर कमी होऊन , मराठी शब्दांचा वापर वापर वाढलेला दिसत आहे .
हि खरं तर मराठी भाषेवरील इंग्रजी शब्दांच्या अतिक्रमणाला थोपविणारी गोष्ट आहे.
खरं तर प्रत्येक मराठी वृत्तपत्राने स्वतःहूनच बातम्यांमध्ये मराठी शब्द वापरायला पहिजे .
साजरा करायचा म्हणून अथवा बाकीचे साजरा करतात म्हणून , २७ फेब्रुवारी रोजी " जागृतीक मराठी दिन / मराठी भाषा दिवस " नावापुरता साजरा न करता , मराठी बातम्यांमध्ये इंग्रजी शब्द टाळून , मराठी शब्द वापरून रोजच मराठी भाषा दिन साजरा करावा .
तळ टीप : मी येथे काही " लोकसत्ता " या एका मराठी वृत्तपत्राचे विपणन ( आजच्या शुद्ध व प्रचलित मराठीत " मार्केटिंग " ) / जाहिरात ( आजच्या शुद्ध व प्रचलित मराठीत ' ADVERTISING " ) करीत नाही . घाबरू नका २७ फेब्रुवारी रोजी , माझी भली मोठ्ठी छबी " लोकसत्ता " या मराठी वृत्तपत्राच्या प्रथम पृष्ठावर छापून येणार नाही .
मी गेली काही वर्षे या मराठी भाषेवरील इंग्रजीच्या अतिक्रमणाविरुद्ध लढत आहे म्हणून हि माहिती येथे देत आहे .
No comments:
Post a Comment