मराठी साहित्य संमेलन - माझं काव्यवाचन

" मराठी साहित्य संमेलन - माझं काव्यवाचन "

माझं अहोभाग्य कि मला बडोदे , गुजरात येथे नुकत्याच पार पडलेल्या ९१ व्या अखिल भारतीय मराठी साहित्य संमेलनाच्या निमित्त आयोजित केलेल्या " कवीकट्टा " या काव्यमंचावर " आदरणीय , वंदनीय " हि माझी कविता शुक्रवार . १६ फेब्रुवारी , २०१८ रोजी रात्रौ सादर करण्याची संधी मिळाली .

काही आठवड्यांपूर्वी "पुढारी" या दैनिकातील एका बातमीत ९१ व्या अखिल भारतीय मराठी साहित्य संमेलनात काव्य वाचनासाठी कविता पाठविण्याची बातमी आली होती. मी माझी अतिशय आवडती अशी " आदरणीय , वंदनीय " हि कविता पाठवली होती . सुदैवाने माझ्या कवितेची बाकीच्या अंदाजे ५०० कवितांबरोबर निवड झाली .

या सोबत , काव्य वाचन करतानाचे प्रकाशचित्र ( PICTURE/PHOTO ) , मी काव्य वाचन केलेली " आदरणीय , वंदनीय " हि कविता , काव्य वाचन केल्याचे प्रशस्तिपत्रक ( CERTIFICATE ) , माझ्या ज्या काव्यसंग्रहातून हि कविता मी घेतली त्या " आजची सत्यगीतं " या काव्यसंग्रहाचे मुखपृष्ठ जोडले आहे .