बिबट्याला ठार आणि भटक्या कुत्र्यांना मोकाट असा विचित्र न्याय का ?

नमस्कार , सुंदर संध्याकाळ ,

आत्ताच एका मराठी वृत्त वाहिनीवर ( आजच्या मराठीत ज्याला  NEWS CHANNEL  असे म्हणतात ) " नरभक्षक बिबट्याला वन कर्मचाऱ्यांनी गोळ्या घालून ठार केले " हि बातमी पाहिली .  म्हणे हा बिबट्या नरभक्षक झाला होता आणि त्याने दोन मानव प्राण्यांना ठार केले होते.

आता हे पाहणे उचित ठरेल कि त्या वन कर्मचाऱ्यांना पोलीस कधी पकडताहेत व त्यांच्यावर कोणती कडक कायदेशीर कार्यवाही  करणार आहेत..

हे मी असे म्हटले आहे , कारण , तुम्हा सगळ्यांना माहीत आहे कि गेली काही वर्षे "भारत" या देशात अनेक भटक्या कुत्र्यांच्या चाव्या ( श्वान दंशामुळे )  मूळे कितीतरी निष्पाप बालकांचा , मानव प्राण्यांचा बळी / प्राण गेला आहे . त्याच प्रमाणे अनेक निष्पाप मानव प्राण्यांना भटक्या कुत्र्यांनी  जखमी केले आहे . पण  एखाद्या मानव प्राण्याने स्वसौरक्षणासाठी अश्या भटक्या कुत्र्यांना जर दगड अथवा काठीने मारले तरीही अचानक कोठून तरी प्राणी मित्र , प्राणी मैत्रीण उगवते , पोलिसांना दूरध्वनी करतात , तत्परतेने पोलीस येतात , त्या दगड , काठी मारणाऱ्याला अटक करून पोलीस चौकीत  नेतात.

बिबट्या हा काय प्राणी नाही ? का फक्त भटका कुत्रा हाच एकमेव प्राणी या " भारत " देशात आहे ?

बिबट्याला ठार आणि भटक्या कुत्र्यांना मोकाट असा विचित्र न्याय का ?  

काय म्हणायचे ?

" मेरा भारत महान "

• New Article published in Hindustan Times 
• 21 Aug 2016
• Mumbai
• Agencies letters@hindustantimes.com

Pack of 50 stray dogs kills 65-yr-old woman in Kerala

ZoomBookmarkSharePrintListenTranslate

THIRUVANANTHAPURAM: A 65-yearold woman was mauled to death by a pack of stray dogs and parts of her body eaten in Thiruvananthapuram, police said on Saturday, underlining a growing menace described by the Kerala government as a law and order problem.
An hour after Sheeluamma was attacked in the coastal village of Pulluvilla, a 30-minute drive from the state capital, another woman was mauled by feral dogs in the same area but survived, police said. Hundreds people are bitten by stray dogs across the country every year but Kerala is said to be the worst affected with an estimated 2.5-lakh feral canine dog population. At least one lakh people were bitten by stray dogs in the state in 2015-16.
The latest incidents renewed calls for urgent culling of stray dogs in the state but a similar move last year had angered animal rights groups which described the proposal as “uncivilised”.
Union minister Maneka Gandhi, a vocal animal rights campaigner, too had warned the government against the move.
But angry residents of Pulluvilla lashed out at Maneka Gandhi for being more concerned about dogs than humans.
“We have lost all our patience as the authorities are hanging on to some obscure law which says dogs cannot be eliminated. Are we inferior to these dogs,” asked one resident.

People said the stray dogs, which used to attack mostly children earlier, are now afraid of none.
Selvan, the son of victim Siluvamma, said he was also attacked by the dogs when he tried to rescue his severely bleeding mother and escaped only by jumping into the sea. He was rescued by villagers who responded to his shouts of help. Sheeluamma died at the medical college hospital in Kerala’s capital.
Kochuouseph Chittilapally, a businessman leading the campaign against stray dogs, was quoted by reports as saying that he wished Maneka Gandhi would be bitten once to realise the danger that people in the area are facing.
“The law enables the government to kill dangerous dogs. At least now we should act,” he told reporters.
Kerala health minister KK Shailaja told journalists in Thiruvananthapuram that she personally supports extermination of dangerous stray dogs, but the government was facing legal issues over this measure.
“When we carried out killings of dangerous stray dogs, we received many warning notices from the Centre. So now we have opted sterilisation as an alternative.”

Last year, chief minister Oommen Chandy convened an all-party meeting after the issue was raised in the assembly by government chief whip Thomas Unniyadan. The meeting had allowed local authorities to cull stray dogs but it was later abandoned following protests by animal rights groups.

" पुणे - 20 ते 25 जणांना भटक्या कुत्र्याचा चावा"

नमस्कार , प्रसन्न सकाळ ,

" पुणे - 20 ते 25 जणांना भटक्या कुत्र्याचा चावा"

शुक्रवार , 19 ऑगस्ट, 2016 रोजी , ABP माझा या वृत्तवाहिनीवर हि बातमी दाखविली गेली . आतातरी शासन , प्रशासन योग्य ती कार्यवाही करेल अशी आम्हा भाबड्या जनतेला आशा आहे.

" भटक्या कुत्र्यांना भटकू द्या.! "

नमस्कार , सुंदर संध्याकाळ ,

" भटक्या कुत्र्यांना भटकू द्या.! "

या शीर्षकाचा माझा एक उपहासात्मक लेख "लोकमत" या वृत्त पत्राच्या 17.08.2016 च्या अंकातील " समाज संस्कृती " या हॅलो ठाणे पुरवणी मध्ये छापून आला आहे.

सर्वप्रथम हा लेख छापल्याबद्दल लोकमत चे मनापासून आभार . हा लेख वाचून तरी भारत या देशातील काही नागरिकांचे डोळे खाडकन उघडतील अशी मला एक आशा आहे.

आपणाला माहीत असेलच कि माझी या भटक्या कुत्र्यांच्या संख्येच्या अनिर्बंध वाढीविरुद्ध गेली 4 / 5 वर्षे गल्ली ते दिल्ली लढाई चालू आहे.

"भटक्या कुत्र्यांना भटकू द्या.!"

'रेल्वेची श्वानबंदी', 'विमानतळ परिसरात भटक्या कुत्र्यांना जेरबंद करण्यासाठी पिंजरा लावला', 'राज्यसभेत शिरू पाहणार्या भटक्या कुत्र्याला सुरक्षा रक्षकाने हाकलले.' अशा प्रकारच्या अनेक बातम्या आपण नेहमीच वाचतो व अनेक ठिकाणी भटक्या कुत्र्यांना हाकलून देताना पाहतोदेखील. हा सगळा या भटक्या कुत्र्यांवर होणारा अन्यायच, नाही का? - सत्यजित अ. शाह 'भ टका कुत्रा' या नावातच 'भटका' असे असल्याने कोठेही मनसोक्त भटकणे, हुंदडणे हा 'भटका कुत्रा'नामक प्राण्याचा जन्मसिद्ध हक्क आहे. या हक्कावर बंदी आणणे 'अश्वानवी' (जसे मानवाच्या बाबतीत 'अमानवी') आहे. 'भटका कुत्रा' ही प्राण्यांची एक जमात देशातून लोप पावत चालली आहे, असे काही मोजक्याच भारतीयांना वाटते. त्यामुळे या अशा लोप पावत जाणार्या (आजच्या घडीला करोडोंच्या संख्येने हा प्राणी देशभरात आहे.) प्राण्यावर असा होणारा अन्याय ताबडतोब दूर झालाच पाहिजे, असे माझे मत आहे.

काही लोकांचे असे म्हणणे आहे की, लोकलखाली, मालगाडीखाली, दूर पल्ल्याच्या प्रवासी गाड्यांखाली भटके कुत्रे येऊन अपघात होतात. रेल्वेच्या गाड्यांना अनेकदा यामुळे उशीर होतो. वेळापत्रक बिघडून जाते. त्यामुळे भटक्या कुत्र्यांना रेल्वेच्या परिसरात बंदी घातली पाहिजे. लोकलखाली, मालगाडी, प्रवासीगाडीखाली रोज थोड्या फार प्रमाणात भटके कुत्रे येत असतीलही.. त्यामुळे फक्त हजारो, लाखो प्रवाशांचा अनेकदा खोळंबा होतही असेल, रेल्वेचे थोड्या फार प्रमाणात नुकसान होत असेलही, म्हणून त्या निष्पाप प्राण्यावर अन्याय करणे योग्य आहे का?

रेल्वेचे खांब हे तर भटक्या कुत्र्यांची पाय वर करण्याची हक्काची जागा. भटक्या कुत्र्यांवर रेल्वे असे बंदी घातली तर, त्या बिचार्या मुक्या, निष्पाप प्राण्यांनी पाय कोठे वर करायचे? तसेही आता रस्त्यावर विजेचे खांब (कुत्र्यांची पाय वर करण्याची अजून एक हक्काची जागा) देखील कमी होत चालली आहे. पूर्वी कसं रस्त्याच्या दोनही बाजूला विजेच्या दिव्यांचे खांब असायचे, पण आजकाल फक्त रस्त्याच्या मध्यभागी दिव्याचा एकच खांब असतो, दोन खांबांमध्ये जास्त अंतर असल्याने खांबांची संख्या कमी असते. या रस्त्याच्या मध्यभागी असलेल्या खांबांकडे वेगात जाणार्या वाहनांमधून वाट काढून जाणं कठीण. वाहनांची संख्या एवढी वाढली आहे की त्या वाहनांमधून वाट काढून खांबाकडे जाणे भटक्या कुत्र्यांना फार कठीण जाते. माणूस नावाचा प्राणी नित्यनियमाने सकाळच्या प्रहरी लोकल गाड्यांच्या रेल्वेमार्गावर जागोजागी बसलेले दिसतात; पण 'सकाळी रेल्वेमार्गावर बसणार्यांवर बंदी' असे कधी ऐकले आहे का? मग या बिचार्या मुक्या प्राण्याला रेल्वेची बंदी का?

भारतीय रेल्वे प्रशासनाने या भटक्या कुत्र्यांना रेल्वे रुळांच्या मध्ये, त्याचप्रमाणे या रु ळावरून, त्या रुळावर स्वछंदपणे भटकंती करू द्यावी. शासन त्या कुत्र्यांचे जे निर्बिजीकरण करते. ते खरे करते का माहीत नाही, पण त्यामुळे 'भटक्या कुत्र्यांची' संख्या मात्र वाढतच आहे. जर हे निर्बिजीकरण व्यविस्थतपणे केलं असतं तर एवढय़ात भटके कुत्रे नामशेष झाले असते. यावरून हे सिद्ध होते की शासनदेखील कधीतरी चांगलं काम करते.
रेल्वे स्थानकांवरील पादचारी पूल, फलाट, फलाटांच्या छतावर, लोकल गाडीत, फलाटांवरील जिन्यावर, फलाटावरील प्रवाशांच्या आसनावर, फलाटावरील उपहारगृहांमध्ये, तिकीट खिडकीजवळ, स्थानकातून बाहेर पडण्याच्या दरवाज्यात, फलाटावरील विश्रांतीगृहामध्ये व अशा इतर अनेक जागांवर या सगळ्या भटक्या कुत्र्यांना मुक्तविहार करण्याचा, खेळण्याचा , बागडण्याचा, एकमेकांच्या मागे धावण्याचा (पकडा पकडी खेळण्याचा), लपाछपी खेळण्याचा परंपरेने चालत आलेला हक्क मानव प्राण्याच्या स्वार्थासाठी भटक्या कुत्र्यांकडून हिरावून घेता कामा नये. जर ही निर्दयी श्वानबंदी झाली तर त्या भटक्या कुत्र्यांचे हाल 'कुत्रेही खाणार नाहीत.'
सुरक्षा कर्मचार्याने राज्यसभेत शिरू पाहणार्या त्या भटक्या कुत्र्याला हाकलले म्हणजे त्या बिचार्या, 'भटका कुत्रा' नावाच्या मुक्या प्राण्याचा हा फार मोठा अपमान झाला आहे.

माझी शासनाला विनंती आहे की यापुढे 'भटका कुत्रा' या देशातील अतिमहत्त्वाच्या व दुर्मिळ होत चाललेल्या प्राण्याला असे अपमानकारक कोठूनही हाकलून देणे, त्याच्या भटकण्यावर निर्बंध आणणे, त्याला जेरबंद करण्यासाठी पिंजरा लावणे, त्याला हाड म्हणून तुच्छ लेखणे व इतर तत्सम अशा अघोरी, अतिशय गंभीर असा गुन्हा समजला जावा व असा गुन्हा करणार्या व्यक्तींना कठोरात कठोर अशी सजा देण्यात यावी.

ता. क . : या लेखात मी जे काही लिहिले आहे ते फक्त उपहासात्मक लिहिलेले आहे. या लेखाद्वारे भावना दुखविण्याचा हेतू नाही. भटक्या कुत्र्यांच्या संख्येच्या होणार्या अर्मयाद वाढीवर व त्यांच्या मुळे निरपराध मानव प्राण्यांना श्वान दंशामुळे होणार्या त्रासावर जनजागृती करण्याचा, शासन, प्रशासन यांना जागे करण्याचा हा एक प्रयत्न आहे.

satyajitshah64@gmail.com

मोकाट कुत्र्यांना आवर घालण्यास समिती

नमस्कार , आणि रविवारची प्रसन्न सकाळ ,

" मोकाट कुत्र्यांना आवर घालण्यास समिती "

गेली 4 ते 5 वर्षे  भटक्या कुत्र्यांच्या संख्येच्या भयावह व  अनिर्बंध अश्या वाढीवर , व त्यामुळे होणाऱ्या  मानव प्राण्याला होणाऱ्या त्रासांवर मी गल्ली ते दिल्ली अक्षरशः प्रत्येकाला पुराव्यानिशी अनेक महत्वाची व धक्कादायक माहिती पाठवली , अजूनही पाठवत आहे . त्यांना या वर ताबडतोब व योग्य ती उपाय योजना करण्यासाठी वारंवार विनंती  केली , पण 99.90 % भारतीय नागरिक हे " जागरूक नागरिक " न बनता शांत बसून आहेत , त्यामुळे शासन देखील पाणी नाकापर्यंत यायची वाट पाहत आहे असे जाणवते.

" मोकाट कुत्र्यांना आवर घालण्यास समिती " या मथळ्याची  एक बातमी रविवार , 14.08.2016 च्या " लोकमत " या वृत्तपत्रात छापून आली आहे.  " BETTER LATE THAN NEVER " या इंग्रजी वाक्प्रचारा प्रमाणे हे चांगलेच झाले , पण या समित्यांमध्ये पुन्हा शासिकीय अधिकारीच असणार आहेत त्यामुळे या अश्या  समिती किती  प्रभावी पणे काम करतील या बाबत साशंकता वाटते.

येथे खालील विनंती पुनश्चच करू इच्छितो

Evil Triumphs When Good People Sit Quiet 

Stand up for what is right , Even if you’re standing alone !

मोकाट कुत्र्यांना आवर घालण्यास समिती

समितीत १३ सदस्य : 'नगरविकास'चे सचिव अध्यक्ष; तीन महिन्याला बैठक होणार

चंद्रकांत कित्तुरे￭ कोल्हापूर मोकाट कुत्र्यांची दहशत आणि त्यांच्यापासून निर्माण होणार्‍या समस्या यांची दखल अखेर महाराष्ट्र शासनाने घेतली आहे. या कुत्र्यांची संख्या र्मयादित ठेवणे, रेबीज निर्मूलन आणि मनुष्य-कुत्रा संघर्ष टाळण्यासाठी नगरविकास विभागाच्या सचिवांच्या अध्यक्षतेखाली एक राज्यस्तरीय देखरेख समिती स्थापन करण्यात आली आहे. राज्यात विशेषत: दक्षिण महाराष्ट्र आणि कोकणात गेल्या तीन महिन्यांत मोकाट कुत्र्यांनी धुमाकूळ घातला आहे. सुमारे १२५ हून अधिक जणांचा चावा घेतानाच सांगलीतील एका बालिकेचा बळीही त्यांनी घेतला आहे. मोकाट कुत्र्यांमुळे नागरिकांना रात्रीचा प्रवास करणे मुश्कील झाले आहे. या पार्श्‍वभूमीवर सांगली-मिरज-कुपवाड महापालिकेने या मोकाट कुत्र्यांना पकडून त्यांची नसबंदी करण्याची मोहीम जूनमध्येच सुरू केली आहे. 'लोकमत'नेही २१ ते २४ जून या कालावधीत मोकाट कुत्र्यांची दहशत या शीर्षकाखाली चार भागांची वृत्तमालिका प्रसिद्ध केली होती. मोकाट कुत्री आणि अन्य प्राण्यांच्या उच्चाटनासंदर्भात सर्वोच्च न्यायालयात दाखल झालेल्या एका याचिकेवरील सुनावणीवेळी केंद्र शासन आणि अँनिमल वेल्फेअर बोर्डाने दाखल केलेल्या शपथपत्रात अशा राज्यस्तरीय देखरेख समित्या स्थापन करण्यात येतील, असे म्हटले होते. त्यानुसार राज्य शासनाने ही १३ सदस्यीय देखरेख समिती स्थापन केली आहे. पशुसंर्वधन विभागाचे प्रधान सचिव, सार्वजनिक आरोग्य विभागाचे प्रधान सचिव, ग्राम विकास विभागाचे प्रधान सचिव, केंद्रीय आणि राज्य अँनिमल वेल्फेअर बोर्डाचा प्रत्येकी एक सदस्य, ठाणे, मुंबई महापालिकेचे आयुक्त, कुलगाव-बदलापूर, अंबरनाथ नगरपरिषदेचे मुख्याधिकारी, अँनिमल वेल्फेअर बोर्डाने प्रमाणित केलेल्या संस्थेचा प्रतिनिधी, पशुसंर्वधन विभागाचे उपसंचालक हे या समितीचे अन्य सदस्य आहेत. या समितीची दर तीन महिन्याला बैठक होणार आहे. स्थानिक पाळतळीवर प्राणी जन्म नियंत्रण समित्या स्थापन करणे, अशी संस्था उपलब्ध नसलेल्या ठिकाणी पशुसंवर्धन विभागातर्फे विशेष वाहन उपलब्ध करणे, प्राण्यांच्या नसबंदीकरिता दर ठरविणे याबाबत ही समिती कार्य करणार आहे. देशात ३ कोटी मोकाट कुत्री देशभरात सुमारे तीन कोटी मोकाट कुत्री आहेत. देशात दरवर्षी २0 हजारांहून अधिक लोकांचा पिसाळलेले कुत्रे चावल्याने रेबीजची लागण होऊन मृत्यू होतो, असे 'ग्लोबल अलायन्स फॉर रेबीज कंट्रोल'चा अहवाल सांगतो. ठाण्यात संख्या ५0 हजारांवर मोकाट कुत्र्यांचे निर्बिजीकरण करण्याची मोहीम नियमित राबविणार्‍यांमध्ये मुंबई, पुण्यासह राज्यातील हाताच्या बोटांवर मोजण्याइतक्याच महापालिका किंवा नगरपालिका आहेत. अद्याप तेथेही मोकाट कुत्र्यांचा प्रश्न पूर्णपणे संपलेला नाही. ठाणे जिल्ह्यात तर ५0 हजारांवर मोकाट कुत्री आहेत.