नमस्कार , सुंदर दुपार ,
" दक्ष नागरिक " पुरस्कार
" ठाणे " शहरातील " जागर फाउंडेशन " नावाच्या , अंदाजे १२ वर्षांपूर्वी , वयाच्या पस्तिशीत असलेल्या काही ध्येय वेड्या तरुणांनी नोकरी , धंदा सांभाळून सुरु केलेल्या संस्थेच्या ( NGO ) ने आयोजित केलेल्या जागर गौरव सोहळा- २०१६ " या कार्यक्रमात मला " दक्ष नागरिक " पुरस्कार मिळाला. दर दोन वर्षांनी हा जागर गौरव सोहळा आयोजित केला जातो .
माझे सुदैव म्हणजे ज्यांच्याकडून अनेक गोष्टी शिकलो त्या समाजकारणी , सुशिक्षित , सुसंस्कृत व गुरुतुल्य अश्या आमदार श्री ..संजय केळकर जी यांच्या हस्ते मला हा पुरस्कार मिळाला.
अजून एक दुग्ध शर्करा योग्य म्हणजे ज्यांच्या कडून समाजसेवेचे धडे घेतले , अश्या ८४ वर्षांच्या तरुण व गुरुतुल्य असे श्री. भाऊ नानिवडेकर - संस्थापक सदस्य - विद्यादान सहाय्यक मंडळ हे या कार्यक्रमाचे प्रमुख पाहुणे होते.
या कार्यक्रमात व्यासपीठावर खालील माननीय व्यक्तींची उपस्थिती होती.
प्रा. डाॅ. श्री. नरेंद्र पाठक - राष्ट्रीय शिक्षक पुरस्कार प्राप्त ,
श्री. राजेंद्र साप्ते ( उप महापौर, ठाणे महानगरपालिका ),
श्री. सुरेश सोंडकर - संस्थापक सदस्य - जागर फाउंडेशन ,
श्री. विनोद पितळे - जागर फाउंडेशन
या ." जागर गौरव सोहळा- २०१६ " कार्यक्रमाची सुरुवात व सांगता माझे लाडके गायक श्री. रवींद्र साठे यांच्या " स्वर पुष्पांजली " या एका अप्रतिम व श्रवणीय अश्या सुमधुर व अवीट अश्या गाण्यांच्या कार्यक्रमाने झाली. त्यांच्या सोबत साथ द्यायला पेटीवर सुप्रसिद्ध अशी व्यक्ती श्री. आप्पा वढावकर हे होते.
एकूणच कार्यक्रम फारच चांगला झाला.
एक सांगावेसे वाटते , मी जे काही थोडंसं लढत असतो , ते पुरस्कारांसाठी नसतं , पण अश्या अ-राजकीय कार्यक्रमात पुरस्कार मिळाल्यावर अजून कामं करायला स्फूर्ती मिळते.
या कार्यक्रमाची काही छायाचित्रे सोबत देत आहे.
ता. क. : " जागर फाउंडेशन " बद्दल लवकरच लिहीन.
No comments:
Post a Comment