अग्रलेखांचा बादशाह यांचे आसन

अग्रलेखांचा बादशाह यांचे आसन 

'अग्रलेखांचा बादशहा' अशी ओळख असलेले ज्येष्ठ पत्रकार नीळकंठ खाडिलकर हे २२ नोव्हेंबर , २०१९ रोजी काळाच्या पडद्याआड गेले . " नवाकाळ " मधील त्यांच्या अतिशय रोखठोक अश्या लिखाणाने अनेक दशके सातत्याने अन्यायाविरुद्ध वाचा फोडली होती .अशा  या दुःखद क्षणी मी आज , गुरुवार , २८.११.२०१९ रोजी  सौ. जयश्री ताई खाडिलकर - पांडे - संपादक , " नवाकाळ " यांना भेटण्यासाठी " नवाकाळ " च्या गिरगांव येथी कार्यालयात गेलो होतो . कार्यालयातील ज्या खोलीत नीळकंठ जी खाडिलकर बसायचे , त्या खोलीत जाण्याचे भाग्य मला मिळाले . त्यांची खुर्ची  व इतर सामान तसेच जतन  करून ठेवले आहे . खुर्चीच्या वर मराठी साहित्यकार, नाट्याचार्य, पत्रकार व " नवाकाळ " हे वृत्तपत्र ७ मार्च , १९२३ साली ज्यांनी चालू केलं ते कृष्णजी प्रभाकर खाडिलकर ( काका साहेब खाडिलकर म्हणून  ते प्रसिद्ध होते ) त्यांचे छायाचित्र आहे . त्या खोलीचं छायाचित्र मी  सौ. जयश्री ताई खाडिलकर - पांडे यांच्या परवानगीने टिपलं .   

 त्या खोलीत जाण्याचे भाग्य मला   नीळकंठ जी  खाडिलकर यांच्या हयातीत नाही मिळालं याची एक खंत मनात लागून राहिली आहे . 

नीळकंठ जी  खाडिलकर यांची एक आठवण येथे सांगावीशी वाटते ,   दिनांक : २६ ऑक्टोबर , २०१७ च्या " नवाकाळ " मध्ये माझी  " फुकट  " या शीर्षकाची एक कविता छापून आली होती . त्या दिवशी सकाळी अंदाजे ११.१५ च्या आसपास माझा  भ्रमणध्वनी खणखणला . ओळखीच्या क्रमांकावरून तो संपर्क साधण्यात आला  नव्हता . मी हॅलो म्हटलं , समोरून धीरगंभीर आवाजात विचारणा झाली सत्यजित शाह का ? मी हो म्हटल्यावर त्यांनी सांगितलं कि " मी नीलकंठ खाडिलकर बोलतोय " तुमची आज छापून आलेली " फुकट " कविता वाचली . चांगली आहे . हे ऐकून मला  " स्वर्ग दोन बोटं उरला " या उक्तीचा अर्थ कळला होता . मी त्यांना भेटण्याची इच्छा व्यक्त केली , त्यांनी मला रविवार सोडून कोणत्याही दिवशी सकाळी ११ नंतर दुपारी १२ का १ च्या आत येण्यास सांगितलं .  संभाषणाच्या शेवटी , मी त्यांना म्हटलं कि त्या   " फुकट  " कवितेत खालील ओळी  देखील टाकव्याश्या वाटल्या होत्या , पण नाही टाकल्या . 

दे दे रे दे दे 

     सासरे बुवा दे दे 

बायको बरोबर 

      मेहुणी हि फुकट दे     

माझे ऐकून  त्यांनी स्मितहास्य केल्यासारखं मला वाटलं , पण ते म्हणाले कि कल्पना ठीक आहे , पण त्या ओळी  तुम्ही नाही टाकल्या हे चांगलं केलं . 

त्यांचे भेट घेण्याचं सुख मला नव्हतं , पण त्यांच्याशी अश्या प्रकारे भ्रमणध्वनीवर संवाद मात्र झाला होता . 

मला आज निघतांना जयश्री ताईंनी ,   नीळकंठ जी  खाडिलकर यांची छायाचित्रातील ग्रंथसंपदा नीळकंठ जी  खाडिलकर यांची आठवण म्हणून दिली . 

अग्रलेखांचा बादशाह नीळकंठ जी  खाडिलकर  यांना  माझा मानाचा  मुजरा ! 

एक मुख्यमंत्री अन दोन उपमुख्यमंत्री ( भविष्यातील मलबार हिल , मुंबई - एक उपरोधिक व्यंगचित्र )

एक मुख्यमंत्री अन दोन उपमुख्यमंत्री ( भविष्यातील मलबार हिल , मुंबई - एक उपरोधिक व्यंगचित्र ) 

माझं ४ नोव्हेंबर , २०१९ च खालील व्यंगचित्र बहुतेक खरं ठरणार असं वाटतंय . एक मतदार म्हणून जे होतंय ते पाहणं हाती उरलं आहे .

सध्या मलबार हिल , मुंबई येथे " वर्षा " नावाचा एक बंगला आहे जेथे महाराष्ट्र राज्याचे मुख्यमंत्री यांचे निवासस्थान आहे .

पण सध्याचे युतीचे जुळवाजुळवीचे राजकारण , व सद्य राजकीय परिस्थिती पाहता भविष्यात मलबार हिल , मुंबई येथे खालील तीन बंगले कायमस्वरूपी असतील   बहुतेक आणखी  २ / ३ उपमुख्यमंत्र्यांच्या बंगल्यासाठी मोकळी जमीन देखील सोडण्यात येईल .

१. ) " वर्षा " - मा. मुख्यमंत्री
२. ) " मेघ " ( १ ) - मा .उपमुख्यमंत्री ( १ )
३. ) " मेघ " ( २ ) - मा .उपमुख्यमंत्री ( २ )

"वर्षा" व "मेघ" यांचं नातं सांगण्याची गरज नाही . नवीन बंगल्यांची नावे " मेघ " ( १ ) व " मेघ " ( २ ) अशी का ठेवली आहेत हे कळलेच असेल .

मी हाडाचा व्यंगचित्रकार नाही , पण एक उपरोधिक व्यंगचित्र रेखाटण्याचे धाडस केले आहे .खरं तर व्यंगचित्र एवढं स्पष्ट करून सांगू नये , पण मी नवव्यंगचित्रकार असल्याने हा एक प्रयत्न .

काही चुका असतील तर माफी असावी .

तळ टीप :  " वर्षा " बंगल्यातील तारण तलाव दाखविण्याचा प्रयत्न केला आहे . 

मी सुखी आहे , मला पुतण्या नाही !

मी सुखी आहे ,

मला पुतण्या नाही !

" खोटं , लाचारी , भीक , तत्वसोड " - एक आधुनिक नीती

 " खोटं , लाचारी , भीक , तत्वसोड " - एक आधुनिक नीती  

" साम , दाम , दंड , भेद "  हि चाणक्य नीती म्हणून ओळखली जाते , जात होती  .

सद्य परिस्थिती पाहून " खोटं , लाचारी , भीक , तत्वसोड " अशी काहीशी XXXXXXXX नीती  उदयास येते कि काय अशी भीती वाटते .  

राजकीय युती तोडू कायदा

" राजकीय युती तोडू कायदा "

जसा पक्षांतर विरोघी कायदा आहे , त्याचप्रमाणे खालील कायदा लागू व्हावा .
" राजकीय युती तोडू कायदा " - निवडणुकीपुवी जर एका पेक्ष्या जास्त राजकीय पक्ष्यांनी युती करून निवडणूका लढल्या असतील व निवडणुकीनंतर युतीतील एक , अथवा बाकी राजकीय पक्ष युतीतून बाहेर पडत असतील , तर त्या बाहेर पडणाऱ्या राजकीय पक्षाच्या चिन्हांवर विजयी झालेल्या उमेदवारांची निवडणूक रद्द करून पुन्हा निवडणूक घेण्यात यावी .