Saturday, August 11, 2018

अस्वच्छ भारत मिशन योजना

 " अस्वच्छ भारत मिशन योजना "

आपणाला माहीतच असेल कि सध्याचे पंतप्रधान श्री. नरेंद्र मोदी हे  "  स्वच्छ भारत मिशन योजना " यशस्वी करण्यासाठी आटोकाट प्रयत्न करीत आहेत. 

पण या छायाचित्रातील एका महागड्या चार चाकी वाहनात वाहन चालकाच्या बाजूला बसलेली व्यक्ती त्या वाहनाचा डावीकडचा दरवाजा अक्षरशः दर २ / ४ मिनिटांनंतर उघडून रस्त्यावर थुंकत होती . हे थुंकणं ती गाडी प्रवासात ( वेगात )  असताना देखील ती व्यक्ती दरवाजा उघडून थुंकत होती . 

हे एवढ्या वेळेला रस्त्यावर थुंकणं पाहून   " अस्वच्छ भारत मिशन योजना " याची अंमलबजावणी जणू सुरु असल्यासारखं वाटलं .  

भारत देश कसा काय महा सत्ता होऊ शकतो ? 


Sunday, August 5, 2018

स्मार्ट ठाणे मधील स्मार्ट कुत्रे

स्मार्ट ठाणे मधील स्मार्ट कुत्रे 

हे असे अनेक भटके कुत्रे , " स्मार्ट   ठाणे " या  शहरात  जागो जागी आढळून येतात . 

इकडे तिकडे चोहीकडे 

भटके कुत्रे सगळीकडे 


प्राणी प्रेमाचा अतिरेक

प्राणी प्रेमाचा अतिरेक
हे छायाचित्र कृपया नीट पहा .
हा भटका कुत्रा मुंबई येथील माटुंगामधील माहेश्वरी उद्यान या भागातील एका सुप्रसिद्ध दाक्षिणात्य उपहारगृहाच्या ( आजच्या शुद्ध , प्रचलित मराठीत FAMOUS SOUTH INDIAN RESTAURANT च्या ) समोर आज , रविवार , ५ ऑगस्ट, २०१८ च्या सकाळी अंदाजे १०.०० वाजता या प्रकारे मस्त पहुडला होता. त्याच्या बाजूला प्राणी मित्र , प्राणी मैत्रीण यांनी दिलेली ७ बिस्किटे तशीच पडलेली होती. तो भटका कुत्रा त्या बिस्किटांकडे चुकून देखील पाहत नव्हता . याचाच अर्थ त्याचे पोट अगोदरच तुडुंब भरलेले कारण दुसऱ्याच कोणत्यातरी प्राणी मित्र , प्राणी मैत्रीण यांनी त्याला पोट भरून खाऊ घातले होते.
गम्मत म्हणजे भिकाऱ्यांना हे प्राणी मित्र , प्राणी मैत्रीण हाड म्हणणार , पण भटक्या कुत्र्यांना मात्र अपचन होईपर्यंत , मधुमेह होईपर्यंत खाऊ घालणार .
आहे कि नाही " प्राणी प्रेमाचा अतिरेक " .


पलावा - डोंबिवली - भटक्या कुत्र्यांची दहशत आता लहान मुलांच्या जिवावर आलीये

पलावा - डोंबिवली - भटक्या कुत्र्यांची दहशत आता लहान मुलांच्या जिवावर आलीये
( NEWS18 लोकमत या वृत्तवाहिनीकडून हि माहिती मिळाली आहे. )
भटक्या कुत्र्यांची दहशत आता लहान मुलांच्या जिवावर आलीये... ३ ऑगस्ट, २०१८ च्या संध्याकाळी ७ च्या सुमारास डोंबिवलीतील लोढा परीसरात एका ८ वर्षाच्या मुलीवर अचानक ४-५ भटक्या कुत्र्यांनी हल्ल केला आणि अक्षरश: त्या मुलीचे लचके तोडलेत ... जवळपास ४-५ ठिकाणी भटक्या कुत्र्यांनी त्या चिमुकलीच्या शरीराचे लचके तोडले असून स्थानिक रहिवाशांनी त्या मुलीला कुत्र्यांच्या तावडीतून सोडवून तात्काळ जवळच्या रुग्णालयात नेले आणि तिथे तिझ्यावर उपचार केले... मुलीचे नाव माही सिंग असून ती याच पलावा परीसरात राहणारी या प्रकारामुळे स्थानिक रहिवाशी संतापले असून या भटक्या कुत्र्यांचा तात्काळ बंदोबस्त न केल्यास मोठं आंदोलन करु असा इशारा स्थानिक रहिवाशांनी दिलाय...
डोंबिवलीत भटक्या कुत्र्यांची दहशत वाढली असून रोज अशा घटना घडत असून भटक्या कुत्र्यांचा बंदोबस्त पालिका प्रशासन का करत नाही? असा प्रश्न आता उपस्थित केला जातोय... याच परीसरात काल देखील एका महिलेवर ७-८ भटक्या कुत्र्यांनी हल्ला केला होता यांत महिलेने प्रसंगावधान दाखवून स्वत:चा जीव वाचवला मात्र या दरम्यान महिलेचा महागडा मोबाईल मात्र फुटला...
या विषयी जास्त माहितीसाठी कृपया या सोबतची छायाचित्रे व हि ध्वनी चित्र फीत पहा .
https://www.youtube.com/watch?v=mMGIvlG5F3Q&feature=share




हे तुमच्या बाबतीत देखील घडू शकते . News18 Lokmat Special Show - भटक्या कुत्र्यांचं करायचं काय ?

Wednesday, August 1, 2018

एक विनोदी जाहिरात

एक विनोदी जाहिरात 

अहो हसणे हे हसणाऱ्याच्या तब्येतीला चांगलं असतं  

तेंव्हा १ जुलै, २०१८ च्या मराठी दैनिकातील हि एक विनोदी जाहिरात वाचा , आणि थोडसं तरी हसा !

जाहिरात नीट वाचा . 

" एक डाळ मिल मालकी / भाडे तत्वावर खरेदी करायची आहे " 

माझ्या मते खरेदी हि मालकी तत्वावर करतात , व  भाडे तत्वावर घेतात . 

भाडे तत्वावर कधीच  खरेदी करीत नाहीत . 

आहे कि नाही विनोदी जाहिरात ?  


Tuesday, July 31, 2018

उंदीर , कुत्रा या प्राण्यांच्या मूत्रापासून लेप्टोस्पायरोसिसच्या संसर्गाचा जास्त धोका असतो

'लेप्टोस्पायरोसिस' होण्याचे एक कारण
 उंदीर , कुत्रा या प्राण्यांच्या मूत्रापासून लेप्टोस्पायरोसिसच्या संसर्गाचा जास्त धोका असतो .
 NEWS18लोकमत - ता. ३० जुलै, २०१८
 कोठे गेले भटका कुत्रे प्राणी मित्र ? , कोठे गेल्या भटका कुत्रे प्राणी मैत्रिणी ?