" मराठीचे इंग्रजीकरण "
नमस्कार ,
२७.फेब्रुवारी हा जागतिक मराठी दिवस म्हणून साजरा केला जातो. उद्या , शनिवार , २७ फेब्रुवारी, २०१६ रोजी FACEBOOK वर “ GOOD MORNING FRIENDS. WISHING YOU A VERY HAPPY WORLD MARATHI DAY “ अस कोणी POST केल अथवा लिहील तर आश्चर्यचकित होऊ नकात कारण हे आणि हेच आजचे मराठी आहे. अश्याच वेगाने मराठी भाषेचे इंग्रजीकरण होत चालले आहे. काय म्हणालात सिद्ध ( आजच्या मराठीत PROVE ) करू ?
ठीक आहे .
- आपण कोणत्याही दोन मराठी व्यक्तींचे संभाषण जर ऐकले तर त्यात अंदाजे ४० ते ७० % एवढे इंग्रजी शब्द सर्रास पणे वापरले जातात.
- दूरचित्रवाणी वरील कोणत्याही मराठी वाहिनीवरील कोणतीही मराठी मालिका लक्ष्य देऊन पहा , त्यातील संवादांमध्ये देखील ४० ते ७० % एवढे इंग्रजी शब्द सर्रास पणे वापरले जातात.
अजूनही पटत नसेल तर कृपया " लोकप्रभा " च्या ४.३.२०१६ च्या अंक मध्ये छापून आलेला व मी लिहिलेला " मराठीचे इंग्रजीकरण " हा लेख वाचा. तो या सोबत जोडत आहे ( ATTACHMENT ) .
कधी इंग्रजी बोलताना कोणाला COME ON WE WILL HAVE जेवण , असे ऐकले आहे का ? पण दोन मराठी व्यक्ती मात्र हमखास " अरे चल LUNCH ला जाऊया असे म्हणतात.
दुसरे उदाहरण “ जरा HAIRCUT करून येतो “ असे मराठी माणूस म्हणतो . त्या ऐवजी “ केस कापून “ असे का नाही म्हणत.
अजून एक भन्नाट वाक्य अरे मी " टाईमावर " आलो होतो. " टाईमावर " हा शब्द कोणत्या शब्दकोशात आहे ?
अजून एक भन्नाट वाक्य अरे मी " टाईमावर " आलो होतो. " टाईमावर " हा शब्द कोणत्या शब्दकोशात आहे ?
आता या दूरचित्रवाणी वरील काही मराठी जाहिराती
- जो पर्यंत तुम्ही तुमच्या WIFE ला सांगाल कि तुम्हाला ACIDITY आहे , तोपर्यंत ENO ............. आपले काम करेल.
- तुम्हाला माहित आहे का , तुमच्या HONEY मध्ये FIFTY PERCENT SUGAR आहे.
- तुम्हाला माहित आहे का , तुमच्या HONEY मध्ये FIFTY PERCENT SUGAR आहे.
अहो आजकाल "मराठी" संवादामध्ये दुर्बीण घेऊन "मराठी" शोधावी लागते .
असो, श्रि. अमिताभ बच्चन अथवा श्रि. अनुपम खेर हे हिंदी बोलताना शुध्द हिंदीतच बोलतात . इंग्रजीच्या कुबड्या घेत नाहित. मग मराठी माणसालाच इंग्रजीच्या कुबड्या का लागतात ?
असो, श्रि. अमिताभ बच्चन अथवा श्रि. अनुपम खेर हे हिंदी बोलताना शुध्द हिंदीतच बोलतात . इंग्रजीच्या कुबड्या घेत नाहित. मग मराठी माणसालाच इंग्रजीच्या कुबड्या का लागतात ?
यावर उपाय म्हणून मी नेहमी वापरले जाणारे इंग्रजी शब्द व त्यांना सोप्पे पर्यायी मराठी शब्द असा शब्द कोश बनवणे चालू केला आहे. आश्चर्य म्हणजे गेल्या ६ महिन्यात अंदाजे १८०० शब्द लिहून झाले आहेत. पोटा पाण्याचा व्यवसाय सांभाळून हे सगळ करीत असतो .
माझे असे म्हणणे आहे कि प्रत्येक इंग्रजी शब्दाला मराठी पर्यायी शब्द मिळू शकणार नाही . उदाहरणार्थ - LAPTOP , FACEBOOK , WHATSAPP वगैरे . पण अकारण इंग्रजी का वापरले जातेय ?
माझे विचार वाचून चीड आली असेल तर मला माफ करा. पण मातृभाषेची हि दयनीय अवस्था पाहवत नाहि.
सत्यजित अ शाह - ठाणे
एक अतिसामान्य पण जागरूक नागरिक
एक अतिसामान्य पण जागरूक नागरिक
No comments:
Post a Comment